Ақтөбе вокзалын қайта жаңарту аяқталды

Вокзал Қазақстан Республикасы Үкіметінің, Көлік министрлігінің, «Самұрық-Қазына» АҚ және Ақтөбе облысы әкімдігінің қолдауымен Мемлекет басшысының тапсырмасы бойынша іске асырылатын теміржол вокзалдарын жаңғырту бағдарламасы шеңберінде жаңартылды.

Ақтөбе теміржол вокзалы 1976 жылы салынған.
Қайта құру барысында шатыр, қасбет, инженерлік желілер жаңартылып, үй-жайлардың ішкі безендірілуі орындалды. Ғимараттың қасбеті фиброцемент тақталарымен қапталды.

Вокзал лифттермен және эскалаторлармен жабдықталған. Жұмыстарды жүргізу кезінде қазақстандық өндіріс материалдары пайдаланылды. Жаңа жиһаздар мен жабдықтар да орнатылды. Іргелес аумақты абаттандыру жүргізілді.

 

Вокзалда мобильділігі төмен жолаушылар үшін қажетті жағдайлар жасалған.
Вокзалдың орташа тәуліктік жолаушылар ағыны 4,7 мыңнан астам адамды құрайды. Станция арқылы Ақтөбені Астана, Алматы, Орал, Маңғыстау, Бейнеу, Тараз, Шу, Шымкент, Түркістан, Қызылорда, Көкшетау, Қостанай, Бурабай курорты және Атыраумен байланыстыратын 34 жолаушылар пойызы өтеді.
Сондай-ақ, вокзал арқылы Ақтөбені Ресей, Өзбекстан, Тәжікстан және Қырғызстан қалаларымен байланыстыратын халықаралық маршруттар өтеді. Вокзалды қайта жаңарту жолаушыларға қызмет көрсету сапасын арттыруға, қолайлы және қауіпсіз жағдайлар жасауға, сондай-ақ теміржол инфрақұрылымы объектісінің сыртқы келбетін жақсартуға бағытталған.

Еще больше новостей на нашем telegram-канале , подписывайся и будь в курсе!